موسیقی: گیلان تره قوربان
گيلان تره قوربان تره قوربان / قوربان تي دریا و تی كوه و تي گوماران
تي ابداني باغ توت كله و سبزه بيجاران / روخان كنار و گورخانه و شرشر باران
گيلان تره قوربان تره قوربان / قوربان تي دریا و تی كوه و تي گوماران
چوم روشنا به از تي بهار و گول پامچال / غومچه واكونه اشتاوه تا نوروز و نوسال
از لوشان ور فومن و لاهيجان و ماسال /سر تا پا گولي گول نشا گفتن نشا گفتن
گيلان تره قوربان تره قوربان / قوربان تي دریا و تی كوه و تي گوماران
ياور دهيدي اشكل و ويجين و دوباره / تا خوب فارسه پوشت ببه ان اونه كاره
ا ياورانه همه دانه الله بداره بداره بداره / پاكوبيدي اَ او كشيدي همه تا ياران
گيلان تره قوربان تره قوربان / قوربان تي كوه و تي گوماران
لوتكا مياني نصف شبان و كر مهتاب / مرغابي شكار طشت زني انزلي مرداب
ديل واهيله به تا بيدينه پر زنه آفتاب /دونياي بشم گيلان مره تاسيان تاسيان
گيلان تره قوربان تره قوربان / قوربان تي دریا و تی كوه و تي گوماران
تي چاي و بج و ماهي و نوغان بنازم /تي عشق و تي پيوند به ايرانه بنازم
تي حشمت و تي ميرزا كوچي خان بنازم / تي جنگل خاموش و تي درياي خروشان
ترانه : ناصر مسعودی
عکس: تالش
محلی برای انتشار دغدغه هایم